Atyraýdaǵy qoımalarda 11 myń tonna kókónis saqtaýly
ATYRAÝ. KAZINFORM – Atyraý oblysynda maýsymaralyq kezeńge arnalǵan azyq-túlik turaqtandyrý qory tolyq kólemde jasaqtalyp, áleýmettik mańyzy bar ónimder halyqqa qoljetimdi baǵamen satylýda. Bul týraly Atyraý oblysy ákimdigi habarlady.
Oblystyq ákimdiktiń málimetinshe, osy maqsatta jergilikti tórt sharýa qojalyǵymen kókónis ónimderin belgilengen tómendetilgen baǵamen jetkizý jóninde kelisimsharttar jasalǵan. Qazirgi tańda qoımalarda 4 900 tonna kartop, 1 600 tonna sábiz, 2 700 tonna pııaz jáne 1 800 tonna qyryqqabat saqtaýǵa qoıylǵan.
Búginde Atyraý qalasynda turaqtandyrý qory aıasynda 11 arnaıy saýda pavılony jumys istep tur. Sonymen qatar oblys pen qala aýmaǵynda apta saıyn aýyl sharýashylyǵy jármeńkesi ótedi. 2025 jyldyń basynan beri óńirde barlyǵy 174 jármeńke uıymdastyrylǵar.
Jergilikti atqarýshy organ taratqan aqparatqa súıensek, 2026 jyldyń 1 qańtarynan bastap qosylǵan qun salyǵy mólsherlemesiniń ózgerýine qaramastan, áleýmettik mańyzy bar azyq-túlik taýarlary baǵasynyń qymbattaýyna negiz joq. Buǵan qosa, saýda salasyndaǵy kásipkerlerdi qoldaý maqsatynda arnaıy salyq mólsherlemesi 4 paıyzdan 2 paıyzǵa deıin tómendetilgen.
Jalpy oblys boıynsha azyq-túlik naryǵyndaǵy jaǵdaı turaqty. Áleýmettik mańyzy bar azyq-túlik taýarlary boıynsha tapshylyq tirkelmegen.
Aıta keteıik, osyǵan deıin Qazaqstanda azyq-túlik salasyn qoldaý boıynsha jumys toby qurylǵany jóninde jazǵan edik.