Atyraýdaǵy ınfektsııalyq aýrýhananyń laboranttary ústemeaqydan qaǵyldy
ATYRAÝ. KAZINFORM – Atyraý oblystyq ınfektsııalyq aýrýhanasynda jumys isteıtin laboranttar ústemeaqynyń tólenbeý máselesin kóterdi. Olardyń aıtýynsha, bıyldan bastap úkimettiń qaýlysy negizinde ınfektsıonıst dárigerler men orta býyn medıtsına qyzmetkerlerine aı saıynǵy ústemaqy qarastyrylǵan.
Alaıda naýqastardyń bıologııalyq materıaldaryna taldaý jasap, zertteý júrgizetin laboranttar men rentgen qyzmetkerleri bul tizimge engizilmegen. Laborant Nýrııa Dosqalıevanyń sózinshe, ınfektsııalyq bólimderge túsken naýqastarmen olar baılanysta bolady.
— Biz naýqastardan alynǵan bıologııalyq materıaldardy zerttep, ınfektsııalyq qozdyrǵyshtardy anyqtaımyz. Jumysymyzdyń basym bóligi qolmen jasalady. Bir taldaýdy tolyq zerttep, qorytyndysyn shyǵarý úshin birneshe kún ketedi, — deıdi ol.
Al taǵy bir laborant Raıgúl Úrgeshova bul másele boıynsha basshylyqqa birneshe ret júgingenderin aıtty.
— Bizge «bul qaýlyda tek ınfektsıonıst dárigerler, medbıkeler men sanıtarlar qarastyrylǵan» dep jaýap beredi. Al biz qaı sanatqa jatamyz? Biz de sol naýqastardan alynǵan materıaldarmen jumys isteımiz ǵoı, — dedi Raıgúl Úrgeshova.
Aýrýhanada jalpy sany 290-ǵa jýyq maman eńbek etedi. Onyń 115-i ǵana ústemeaqy alyp otyr. Al 30-ǵa jýyq qyzmetker eńbegimiz eskerilip, biz de osy sanatqa qosylsaq degen pikirde.
Mekeme basshylyǵy bul máseleden habardar. Alaıda ústemeaqy tóleý úshin mindetti áleýmettik medıtsınalyq saqtandyrý qory arqyly tarıf bekitilip, qarjynyń mekeme bıýdjetine túsýi qajet. Óıtkeni ınfektsııalyq aýrýhana birneshe jyldan beri qaryzǵa batqan.
Atyraý oblystyq densaýlyq saqtaý basqarmasy basshysynyń orynbasary Murat Qurbanovtyń aıtýynsha, tarıftiń kóterilýi qarastyrylyp, tıisti qujattarǵa qol qoıylǵan.
— Qazirgi tańda tarıftiń kóterilgenin kórip otyrmyz. Qujattar bizge jetkennen keıin qyzmetkerlerge ústemeaqyny qańtar aıynan bastap qaıta eseptep ala alady, — dedi ol.
Al kásipodaq ókilderi bul másele tek Atyraýǵa ǵana emes, barlyq aımaqqa ortaq dep otyr. «Senim» salalyq kásiptik odaǵynyń oblystyq fılıalynyń tóraǵasy Maıra Qashkenovanyń sózinshe, densaýlyq saqtaý uıymdary sharýashylyq júrgizý quqyǵyndaǵy mekeme bolǵandyqtan, qosymsha tólem máselesin baıqaý keńesi sheshedi.
— MÁMS tarapynan tólenetin qyzmetterdiń tarıfi ósti. ıAǵnı, medıtsınalyq uıymǵa túsetin qarjy kólemi de ulǵaıady. Eger mekemeniń qarjylyq múmkindigi bolsa, baıqaý keńesiniń sheshimimen ústemeaqy qarastyrylady, — dep pikir bildirdi Maıra Qashkenova.
Densaýlyq saqtaý basqarmasy laboranttardyń máselesi jaqyn arada sheshiletinin aıtty. Alaıda ústemeaqynyń naqty qashan tólenetini ázirge sheneýnikterge de belgisiz.
Buǵan deıin Qalqan platformasy arqyly medıtsınalyq qyzmet sapasy men qarjylandyrý tolyq baqylaýǵa alynatynyn jazǵan edik.
