Atyraýdaǵy erler túrmesinde tóbeles bolyp, sottalýshy kóz jumdy
ATYRAÝ. KAZINFORM – Atyraý qalasyndaǵy túzeý mekemesinde sottalǵandar arasynda bolǵan janjal adam ólimimen aıaqtaldy.
Oqıǵa 22 naýryz kúni bolǵan.
Aldyn ala málimetke sáıkes, túzeý mekemesinde jazasyn ótep jatqan azamattar arasynda kelispeýshilik týyndaǵan. Saldarynan olardyń biri aýyr dene jaraqatyn alyp, kóz jumǵan.
- Atalǵan derek boıynsha qylmystyq is qozǵaldy. Qazirgi ýaqytta tıisti tergeý amaldary júrgizilip jatyr. Basqa aqparat tergeý múddesine baılanysty jarııa etilmeıdi,-dep málimdedi PD baspasóz qyzmeti.
Buǵan deıin Jetisý oblysynda 13 páterdi urlaǵan eki er adam ustalǵanyn jazǵan edik.
