Atyraýdaǵy eń qymbat tenderdiń taǵdyry sotta qaralyp jatyr
ATYRAÝ. KAZINFORM – Atyraýda quny 84 mlrd teńgeden asatyn iri ınfraqurylymdyq joba sot daýyna tireldi. «Atyraý» arnaıy ekonomıkalyq aımaǵynyń 400 gektar aýmaǵyna ınjenerlik jeliler men kólik ınfraqurylymyn salýǵa arnalǵan konkýrs ótip, jeńimpaz anyqtalǵan. Alaıda merdigermen kelisimshart jasalǵannan keıin bes kún ótken soń shart birjaqty tártippen buzylǵan. Kásipker bul sheshimmen kelispeı, sotqa júgingen.
Másele Atyraý qalasynyń Geolog yqshamaýdanynda, Atyraý–Dossor avtojolynyń boıynda ornalasqan «Atyraý» arnaıy ekonomıkalyq aımaǵynyń 400 gektar aýmaǵyndaǵy ınfraqurylym qurylysyna qatysty.
84 mlrd teńgelik konkýrs qalaı ótti?
2026 jylǵy 19 mamyrda memlekettik satyp alý portalynda «Atyraý» AEA aýmaǵyndaǵy ınjenerlik jeliler men kólik ınfraqurylymyn jobalaýǵa jáne salýǵa arnalǵan konkýrs jarııalandy. Satyp alýdyń jalpy somasy 84 mlrd 337 mln teńgeden astam. Konkýrsqa eki kompanııa – «Integra Construction KZ» JShS jáne «Alem Qurylys AQ» JShS qatysqan.
3 maýsymda memlekettik satyp alý konkýrsynyń qorytyndysy boıynsha «Alem Qurylys AQ» JShS jeńimpaz dep tanyldy. Osydan keıin 10 maýsymda «Alem Qurylys AQ» JShS men «Atyraý Innovations» JShS arasynda memlekettik satyp alý týraly shart jasaldy.
Alaıda kelisimsharttyń merzimi uzaqqa sozylmady.
Kelisimsharttyń bes kúnnen keıin buzylýyna ne sebep?
Kelisimshart jasalǵannan keıin nebári bes kún ótken soń, ıaǵnı 15 maýsymda shart birjaqty tártippen buzyldy.
- Shart oblys ákimdiginiń «Atyraý Innovations» JShS-in taratý týraly qabyldaǵan sheshimine baılanysty birjaqty tártippen buzyldy. Shartty osy negizde buzý qoldanystaǵy memlekettik satyp alý týraly zańnamada kózdelgen tártipke sáıkes júzege asyryldy, – dep málimdedi oblystyq kásipkerlik jáne ónerkásip basqarmasy.
Alaıda kelisimsharttyń buzylýyna merdiger kelispegen. 17 maýsymda «Alem Qurylys AQ» JShS sotqa júginip, memlekettik satyp alý týraly shartty birjaqty tártippen buzýdy zańsyz dep tanýdy surady. Atyraý oblysynyń mamandandyrylǵan aýdanaralyq ekonomıkalyq soty talap aryzdy óndiriske qabyldap, azamattyq is qozǵaǵan.
Sotta qazir ne qaralyp jatyr?
Sot ázirge kelisimshartty buzýdyń zańdylyǵyna qatysty túpkilikti sheshim shyǵarǵan joq. Іske Atyraý oblysy ákiminiń apparaty men Atyraý oblysynyń kásipkerlik jáne ónerkásip basqarmasy úshinshi tulǵalar retinde tartylǵan. ıAǵnı, olar talapker de, jaýapker de emes. Sot olardyń quqyqtary nemese mindetteri istiń nátıjesine baılanysty bolýy múmkin dep eseptegen.
Aıta keteıik, alǵashynda jobany iske asyrýdy maqsat etip, tender jarııalaǵan, keıin taratylǵan Atyraý Innovations JShS oblystyq kásipkerlik jáne ónerkásip basqarmasyna qarady.
Jańa konkýrs qashan ótedi?
Bul suraqtyń da ázirge naqty jaýaby joq. Oblystyq kásipkerlik jáne ónerkásip basqarmasynyń málimetinshe, aldymen sot protsesi aıaqtalýy kerek.
- Sot protsesi aıaqtalyp, tıisti quqyqtyq baǵa berilgennen keıin «Atyraý» AEA-nyń 400 ga aýmaǵyndaǵy ınjenerlik jeliler men kólik ınfraqurylymyn salý jónindegi jobany iske asyrý maqsatynda memlekettik satyp alý rásimin qaıta ótkizý máselesi qaralady», – dep tolyqtyrdy basqarma resmı jaýabynda.
Joba ne úshin mańyzdy?
Jospar boıynsha ınjenerlik-kommýnıkatsııalyq ınfraqurylymdy tartý jumystary eki jyl ishinde júzege asyrylýy tıis.
Joba «Atyraý» AEA-ny 2026–2036 jyldarǵa josparlanǵan kezeńde damytýǵa baǵyttalǵan. 400 gektar aýmaqta elektr, sý jáne gazben jabdyqtaý, sý burý jáne káriz júıeleri, baılanys jelileri, avtomobıl jáne temirjol ınfraqurylymy salynady dep josparlanǵan. Munyń bári ınvestorlarǵa qajetti ınfraqurylymy daıyn óndiristik alańdar usyný úshin qajet.
Eske salaıyq, qazir Atyraý oblysynda jobalyq-smetalyq qujaty daıyn, memlekettik saraptamadan ótken jalpy quny 200 mlrd teńgeden asatyn joba daıyn tur. Degenmen ákimdik buǵan deıin bastalǵan jumysty aıaqtap, mańyzy zor jobalardy birinshi qarjylandyrýǵa den qoıýda. Biraq áleýmetttik mańyzy bar keı jobalar úshin bıýdjet tapshylyǵy máselesi týyndap jatyr.
