Atyraýdaǵy eki zeınetkerdiń ólimi: kúdiktiniń aty-jóni belgili boldy
ATYRAÝ. KAZINFORM – Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy.
Quqyqtyq statıstıka jáne arnaıy esepke alý organdarynyń portalynda jarııalanǵan izdestirý kartasyna sáıkes, Sarsemalıev Sultan Samıǵollauly 1996 jylyy 24 sáýirde týǵan, Qazaqstan Respýblıkasynyń azamaty.
Ol Atyraý oblysy boıynsha 2026 jyldyń 8 qańtarynan bastap izdeýde júr.
Іzdestirý isi QR Іshki ister mınıstrliginiń bastamasymen tirkelgen. Іzdeýdi Atyraý oblysy Polıtsııa departamenti júrgizip jatyr.
Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
6 qańtarda Atyraý oblysy aýmaǵynan joǵalǵan otbasynyń eki múshesiniń – otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
Ázirge sol úıdiń eki balasy, Meıramgúl Qarabalına men Naýryz Muqanǵalıev tabylmady.
Іzdestirý jumysy jalǵasyp jatyr.
Osyǵan deıin Atyraý oblysy Qyzylqoǵa aýdanynda joǵalǵan turǵyndardyń esepshoty ýaqytsha buǵattalatynyn, sol úıdegi qyz ben kúıeýbalanyń shetel asyp ketkenin jazǵanbyz.