Atyraýdaǵy Digital Nauryz: dástúr men tehnologııa toǵysy
ATYRAÝ. KAZINFORM – Bıyl Atyraýda Naýryz Digital Nauryz formatynda toılanyp jatyr. Ulttyq dástúr men zamanaýı tehnologııalardy toǵystyrǵan mereke tsıfrlandyrý jylyna qoıylǵan maqsat-múddelerdi de biriktirýde.
Isataı men Mahambet atyndaǵy alańda úsh taqyrypta kıiz úı tigilip, qonaqtar biregeı tsıfrlyq tájirıbelermen tanysty. Atap aıtqanda, merekege kelgender arnaıy tsıfrlyq kıiz úıde ornatylǵan jasandy ıntellekt kómegimen ata-babalardyń aq batasyn alyp, bir sátke olardyń asqaq rýhy men aıbynyn sezine aldy.
Kelesi kıiz úıde qonaqtar qazaqtyń ulttyq kıimderin vırtýaldy túrde kıip kórýge múmkindik aldy. Al úshinshi kıiz úıde elimizdiń mádenıeti, dástúrleri men jetistikteri jóninde beınerolıkter kórsetildi.
Buǵan qosa, alańda alty ınteraktıvti panel ornatylyp, jurtshylyq tsıfrlyq jobalar men ınnovatsııalyq sheshimder jóninde aqparat aldy. Sondaı-aq kórermender «Alaqan» jobasymen tanysyp, «Robottar shaıqasy» shoýyn tamashalady.