Atyraýdaǵy bútin bir otbasynyń ólimi: kúdikti sot sanktsııasymen eki aıǵa qamaldy
ATYRAÝ. KAZINFORM — Atyraýda ata-enesin, áıeliniń baýyrlaryn óltirdi degen kúdikke ilingen Sultan Sársemalıev sot sanktsııasymen eki aıǵa qamaýǵa alyndy.
Mundaı sheshimdi qalalyq mamandandyrylǵan tergeý soty shyǵardy.
Aldyn ala málimet boıynsha, qazir Sultan Sarsemalıev tergeý ızolıatorynda. Qazir 4 adamnyń ólimine kináli dep ustalǵan kúdiktige qylmystyq kodekstiń eki baby boıynsha is qozǵalǵan. Anyǵyn aıtqanda, QR QK 99-babynyń 2-bóligi, eki nemese odanda kóp adamdy óltirý jáne 188-bap, urlyq boıynsha tergeý júrip jatyr.
Eske salaıyq, jýyrda tergeý áreketteri úshin Sultan Sarsemalıevti Jangeldın aýylyna jáne Naýryz Muqanǵalıev pen Meıramgúl Qarabalınanyń denesi tabylǵan qaladaǵy úıge aparǵan edi.
Qańtar aıynda erli-zaıyptynyń denesi Jangeldın aýylyndaǵy úıdiń aýlasyndaǵy saraıdyń ishinen tabyldy.
Al olardyń balalarynyń máıitin qaıda kómgenin Sultan Sarsemalıev elge jetkizgennen keıin kórsetti.
Qazirgi ýaqytta quqyq qorǵaý organdarynyń ókilderi eldi shýlatqan qylmystyń jaı-japsaryn tergep jatyr.
Aıta keteıik, kóz jumǵan otbasynyń aman qalǵan jalǵyz múshesi, kúdiktiń áıeli bolǵan Aqbaıan Muqanǵalıeva psıhıkalyq ortalyqta jatyr.