Atyraýdaǵy bir otbasynyń ólimi: kúdikti qylmysty qalaı jasaǵanyn kórsetti
ATYRAÝ.KAZINFORM – Polıtsııa Atyraý oblysy Jangeldın aýylynda bútin bir otbasyny óltirdi degen kúdikke ilingen Sultan Sarsemalıevti ata-enesin óltirgen úıge apardy. Ol tergeýshilerge qylmysty qalaı jasaǵanyn kórsetip, suraqtarǵa jaýap bergen.
Aldyn ala aqparat boıynsha Sultan Sarsemalıev ata-enesin óltirip, aýladaǵy saraıdyń ishinde tereńdigi 1,5 metr shuńqyr qazyp, denelerdi ústi ústine jatqyzǵan. Keıin kómip, ústine dıvan qoıyp ketken.
Іshki ister mınıstrligi jarııalaǵan vıdeodan Sultan Sarsemalıevtiń qalada jaldap turǵan úıiniń irgesinen qazǵan shuńqyrdy kórsetkenin baıqaýǵa bolady. 29 jastaǵy kúdikti burynǵy áıeliniń aǵasy Naýryz Muqanǵalıev pen Meıramgúl Qarabalınany sol jerge kómip ketken.
Sultan Sarsemalıev pen Aqbaıan Muqanǵalıeva Indonezııada ustalǵan kezde olardan marqumdardyń jeke kýálikteri men bank kartalary tárkilendi.
Qazir Sultan Sarsemalıev ýaqytsha ustaý ızolıatorynda. Kinásin tolyq moıyndaǵan. Al onyń burynǵy áıeli, 5 balanyń anasy Aqbaıan Muqanǵalıeva psıhıkalyq densaýlyq ortalyǵyna jatqyzyldy.
Keshe ІІM Meıramgúl Qarabalına men Naýryz Muqanǵalıevtyń múrdesi Sultan Sársemalıev pen Aqbaıan Muqanǵalıevanyń qalada jaldap turǵan úı mańynan tabylǵanyn rastady. Al bul aýmaqty osydan 2 aı buryn polıtsııa qyzmetkerleri túrli ádispen, tehnıkalardyń kómegimen tekserip ketken edi.
Kúdiktiler aqpan aıynyń sońynda Indonezııa Respýblıkasynyń Lombok aralyndaǵy Senarý aýylynda asa aýyr qylmys jasady dep kúdikke ilingender ustaldy.
Birneshe kúnnen keıin olar Atyraý qalasyna jetkizildi.
Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
Keıin olardyń denesinde pyshaq izderi bary belgili boldy.
9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy.
Sondaı aq joǵalǵan otbasy týraly tyń derekterdi áleýmettik jeli arqyly taratqan hakerge halyqaralyq izdeý jarııalanǵan.
Aqpan aıynyń basynda kúdiktiń 5 balasy memleket qamqorlyǵyna alyndy.
Qandy qylmysqa qatysy bolýy múmkin degen kúdikke sol úıdiń qyzy da ilindi.
Eki kúdiktiniń shetelde qalaı ustalǵany jóninde vıdeo jarııalandy.
