Atyraýdaǵy aýdan ákimi áıeliniń aıyptaýyna baılanysty pikir bildirdi

ATYRAÝ. KAZINFORM – Atyraý oblysyndaǵy Maqat aýdanynyń ákimi Rınat Ibragımov burynǵy áıeliniń aıyptaýyna baılanysty pikir bildirdi. 

Ákim jeke ómiri týraly pikir aıtýdyń qajeti joq dep sanaıdy. Al, ortaq balalary ózimen birge turatynyn aıtty. 

«Burynǵy jubaıymnyń meniń atyma taqqan negizsiz aıyptaýlary men jalǵan aqparaty BAQ-ta keńinen tarap ketti. Burynǵy jubaıym ártúrli áleýmettik jelide taraǵan sońǵy oqıǵalarǵa baılanysty meniń laýazymdy tulǵa ekenimdi bile tura, osyndaı málimdemeler jasap jatqan sııaqty. Bizdiń ortaq balalarymyz – 2 qyzym menimen birge turady. Olar mahabbat pen súıispenshilikte ómir súrýde. Mundaı sheshim eki qyzymnyń qalaýy boıynsha qabyldandy. Budan basqa bul týraly sottyń zańdy sheshimi de shyqty. Shabýyl jasady degen aıyptaýlarǵa kelsek, qazir sot protsesi júrip jatqandyqtan, BAQ ókilderinen asyǵys qorytyndy jasamaýdy suraımyn», - dedi Rınat Ibragımov. 

Eske sala ketelik, buǵan deıin Atyraýda aýdan ákiminiń áıeli kúıeýinen zábir kórgeni týraly jazǵan edik. 

Keıin aýdan ákiminiń áreketine qatysty qyzmettik tekserý júrgiziletinin habarlaǵan bolatynbyz.