Atyraýdaǵy atyshýly is: ıAna Legkodımovanyń ólimi boıynsha sot otyrysy jalǵasyp jatyr
ATYRAÝ. KAZINFORM — Búgin Atyraýda ıAna Legkodımovanyń ólimine qatysty qylmystyq is boıynsha sot otyrysy ótip jatyr. Іs mamandandyrylǵan aýdanaralyq qylmystyq sotynda qaralady.
Sot otyrysy barysynda marqumnyń anasy Galına Legkodımova 2024 jylǵy 8 qazanda aıyptalýshy Rýslan Qaıyrjanov marqum ıAna Legkodımovamen aradaǵy janjal barysynda onyń ózin áshkereleýinen qorqyp, ómirine qastandyq jasaýǵa sheshim qabyldaǵan. Ol bul maqsatta tanysy Altynbek Katımovty kómekke tartyp, oǵan 500 myń teńge kóleminde syıaqy berýge ýáde etkenin aıtty.
— 2024 jylǵy 19 qazanda Qaıyrjanov pen Katımov ıAna Legkodımovany aldap, kólikke otyrǵyzyp, keıinnen ony óltirgen. Qylmystan keıin olar marqumnyń uıaly telefonyn joıyp, denesin ózenge tastaǵan. Keıinnen marqumnyń súıegi tabylǵan, — dedi ıAna Legkodımovanyń anasy.
Jábirlenýshi tarap advokatynyń aıtýynsha, qaıǵyly oqıǵa saldarynan ıAna Legkodımovanyń anasy aýyr moraldyq soqqy alyp, tereń jan kúızelisin bastan ótkergen.
—Sol sebepti, árbir aıyptalýshydan 25 mıllıon teńge kóleminde moraldyq ótemaqy jáne 10 mıllıon teńge kóleminde materıaldyq zalaldy birlesip óteýdi suraımyz, — dedi jábirlenýshiniń advokaty sotta.
Sot otyrysynda sýdıa aıyptalýshylarǵa taǵylǵan aıypty naqtylady.
— Sonymen, tapsyryspen kisi óltirý aıybymen kelispeısiz. Al adamdar toby aldyn ala sóz baılasyp, kisi óltirý isin moıyndaısyz ba, joq pa? , — dep surady sot tóraǵasy.
Sottalýshy Altynbek Katımov óz jaýabynda kinásin ishinara moıyndap, istegen isine ókinish bildirdi.
— Iá, men hat almasýlardyń bolǵanyn joqqa shyǵarmaımyn. Biraq 500 myń teńge úshin adam óltirý bul aqylǵa qonbaıtyn nárse, qurmetti sýdıa. Men kinámdi moıyndaımyn, qylmysqa kedergi keltirmedim. Іsime qatty ókinemin jáne osynda otyrǵan barlyq adamdardan keshirim suraımyn. Ózimdi aqtaı almaımyn, aqtalýǵa da tyryspaımyn. Al Qaıyrjanov aıtyp ótken keıbir jaıttardy men endi ǵana bildim. Qaýip bar ekenin bilgem, biraq bári osylaı bolatynyn túsinbedim, — dedi ol sotta.
Buǵan deıin Atyraý oblysy prokýratýrasy ıAna Legkodımovanyń ólimine qatysty qylmystyq is boıynsha jańa aıyptaý qorytyndysyn bekitkenin jazǵanbyz.