Atyraýdaǵy áskerı bólimniń qyzmetshileri Jylyoı aýdanyna kómekke bardy
ATYRAÝ. KAZINFORM – Búgin tótenshe jaǵdaı jarııalanǵan Jylyoı aýdanyndaǵy tasqyn sýǵa qarsy jumysqa áskerıler jumyldyryldy.
Atyraý oblysy ákimdigi men «Batys» óńirlik qolbasshylyǵy basshylyǵynyń arasyndaǵy kelisim boıynsha aımaqtaǵy sý tasqynyna qarsy is-sharalarǵa kómektesý úshin 150-den astam áskerı qyzmetshi bólingen. Óńirlik qolbasshylyǵy basshylyǵyna qarasty №41433 áskerı bóliminnen 50 ofıtser men sarbazy Qulsary Qulsary qalasynda sý tasqynynan qorǵaý jumystaryna kiristi.
«Áskerı bólimniń qyzmetkerleri Qulsary qalasynyń mańyndaǵy sý tasqynyna qarsy is-sharalarǵa atsalysýdy bastady. Jylyoı aýdanyna jetý úshin Atyraý qalasynyń ákimdigi avtobýspen qamtamasyz etti. Qazir jeke quram jaǵalaýdy nyǵaıtý jumystaryn, jergilikti atqarýshy organdar men turǵyndarǵa kómek berip júr. Sarbazdar qapqa topyraq toltyryp, jaǵalaýdy bıiktetýdi qolǵa aldy», - deıdi áskerı bólimniń rota komandıri aǵa leıtenant Sýıarhan Ýalıhan.
Onyń aıtýynsha, áskerı bólimniń 50 adamy Inder aýdanyndaǵy sý tasqynyna qarsy jumysqa jiberilgen.
Eske sala ketelik, budan buryn Jylyoı aýdanynda Jem ózeniniń sýy 2 metr 53 sm-ge kóterilgenin jazǵan edik.
Qulsary qalasyndaǵy kópir ýaqytsha jabyldy.
Búgin Atyraý oblysynyń taǵy bir aýdanynda tótenshe jaǵdaı jarııalanǵan edi.
Keıin Qulsarydan Dossorǵa deıingi joldyń bir bóligin sý basqanyn jazǵan edik. Sondaı-aq Atyraý polıtseıleri Qaraǵaı aýylyndaǵy úılerdi táýlik boıy baqylaýǵa aldy.
Atyraý oblysynyń ákimi Serik Shápkenov búgin tótenshe jarııalanǵan Jylyoı aýdanyna bardy.
