Atyraýdaǵy arnalardyń birinde balyq shabaqtaryna qaýip tóndi
ATYRAÝ. KAZINFORM — Atyraý qalasy Almaly aýyly tusyndaǵy Saryózek arnasynda balyq shabaqtaryna tunshyǵý qaýpi týyndady. Bul jóninde Jaıyq-Kaspıı oblysaralyq basseındik balyq sharýashylyǵy ınspektsııasy málimdedi.
Shabaqtardyń basym bóligi móńke (karas) balyǵyna tıesili. Shabaqtardyń jınalǵan aýmaǵy shamamen 100 sharshy metrdi quraıdy, arnanyń tereńdigi 1 metr.
— Saryózek arnasy Mahambet aýdanynan bastaý alady. Jaıyq ózeninen shamamen 40 shaqyrym qashyqtyqta ornalasqan. Bul arnaǵa «Tabıǵat» memlekettik mekemesi jaýapty bolǵandyqtan osy mekemege jáne jergilikti atqarýshy organdarǵa habarlandy. Bólim mamandary qazirgi kezde shabaq qutqarýǵa arnalǵan quraldardy ákelip, shabaq qutqarý jumystaryn uıymdastyrady, — dep habarlady ınspektsııa.
Osyǵan deıin Shymkenttegi Badam ózeninde balyqtyń nege qyrylyp jatqanyn jazǵan edik.