Atyraýdaǵy «Aqjaıyq» rezervatynda qamys órti 10 gektarda byqsyp jatyr
ATYRAÝ. KAZINFORM – Atyraý oblysynda «Aqjaıyq» memlekettik tabıǵı rezervat aýmaǵyndaǵy qamys órti áli tolyq sóngen joq. Qazir 10 gektarda órt oshaǵy byqsyp jatyr.
Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynyń deregine qaraǵanda, qamys órti 1 050 gektardy sharpyǵan.
– Tótenshe jaǵdaılar departamenti men «Aqjaıyq» memlekettik tabıǵı rezervaty qyzmetkerleri 165 gektardaǵy órtti sóndirdi. Al 885 gektar alqapty sharpyǵan jalyn ózdiginen sóndi. Búgin saǵat 12:00-de qamys órtiniń taralýy toqtady. Alaıda, 10 gektar aýmaqta áli de byqsyp jatyr, - dep habarlady departamenttiń departamenttiń ımıdjdik jumys jáne syrtqy kommýnıkatsııalar toby.
Qamys órti tutanǵan aýmaqta arnaıy qurylǵan shtab músheleri sóndirý jumysyn jalǵastyryp jatyr. Qazir Atyraý qalasynda ystyń ıisi sezilmeıdi.
Eske sala ketelik, buǵan deıin Atyraýdaǵy «Aqjaıyq» tabıǵı rezervatynyń aýmaǵynda qamys janyp jatqanyn habarlaǵan edik.
Keıin Atyraýdy qamys órtiniń tútini basqanyn jazǵan bolatynbyz.
Sondaı-aq qamys órtin sóndirý úshin tikushaqpen 30 tonna sý tógildi.