Atyraýda júıke aýrýyna shaldyqqan áıel kóliktiń sońynan júgirgen

ATYRAÝ. KAZINFORM – Atyraýda áıel kóshedegi kóliktiń sońynan júgirgen. Onyń júıke aýrýymen esepte turatyny anyqtaldy.

Bul týraly Telegram arnasynyń birinde vıdeo tarady. Vıdeoda áıeldiń Atyraý qalasyndaǵy Mahambet kóshesinde júrip bara jatqan kóliktiń sońynan júgirgeni túsirilgen.

Atyraý oblystyq Polıtsııa departamentiniń baspasóz qyzmetinen málim etkendeı, oqıǵa 5 naýryzda bolǵan.

– Polıtsııa qyzmetkerleri quqyq buzýshylyq jasaǵan áıeldiń jeke basyn anyqtady. Ol 59 jasta. Onyń júıke júıesi aýrýlarymen esepte turǵany anyqtaldy. Naýqas áıeldiń jaýapty kútýshisine túsindirý jumysy júrgizildi. Atalǵan derekke baılanysty is qujattary jınaqtalyp jatyr. Іs qujattary tıisti jergilikti atqarýshy organdarǵa sharasyn alý úshin joldanady, - dep málim etti departamenttiń baspasóz qyzmeti.

Eske sala ketelik, buǵan deıin Atyraýda páterdegi órttiń tútininen ýlanǵan zeınetker kóz jumǵanyn jazǵan bolatynbyz.