Atyraýda jol apatynan jaraqat alǵan jolaýshy aýrýhanada kóz jumdy

ATYRAÝ. KAZINFORM – Atyraý oblysynda jol-kólik oqıǵasynan bir kóliktiń júrgizýshisi men jolaýshy aýrýhanaǵa jetkizildi. Jolaýshy aýrýhanada qaıtys boldy.

Atyraý oblystyq polıtsııa departamentiniń baspasóz qyzmetinen málim etkendeı, jol-kólik apaty Maqat aýdanynyń aýmaǵynda bolǵan. 

«Keshki saǵat 18:00 shamasynda respýblıkalyq mańyzy bar Aqtóbe-Atyraý-Astrahan tas jolynyń 521-shaqyrymy tusynda Lada Kalina avtokóligi joldyń qarsy betine shyqqan. Sóıtip, Mitsubishi avtokóligimen soqtyǵysqan. Jol-kólik oqıǵasynyń saldarynan Lada Kalina avtokóliginiń júrgizýshisi men jolaýshysy túrli dene jaraqatyn aldy. Zardap shekkender Maqat aýdandyq ortalyq aýrýhanasyna jetkizildi. Alaıda, jeńil kóliktiń jolaýshysy aýrýhanada qaıtys boldy», - dep habarlady departamenttiń baspasóz qyzmeti. 

Eske sala ketelik, buǵan deıin Atyraýda jol apatynan mopedtiń jasóspirim jolaýshysy mert bolǵanyn habarlaǵan edik.