Atyraýda jol apatynan zardap shekken 18 jastaǵy bozbala aýrýhanada kóz jumdy

ATYRAÝ. KAZINFORM – Jol apatynan aýyr jaraqat alǵan 18 jastaǵy bozbala oblystyq oblystyq aýrýhanaǵa jetkizilgen. Alaıda dárigerler patsıenttiń ómirin saqtap qala almady. 

Atyraý oblystyq Densaýlyq saqtaý basqarmasy baspasóz qyzmetiniń aqparatyna qaraǵanda, jol-kólik oqıǵasynan zardap shekken 2007 jylǵy azamat jedel járdem brıgadasynyń kóligimen oblystyq aýrýhanaǵa jetkizilgen.

– Aýrýhanaǵa túsken kezde er adamnyń jaǵdaıy óte aýyr boldy. Dárigerler naýqastyń jaǵdaıyn turaqtandyrý úshin barlyq qajetti reanımatsııalyq sharany shuǵyl túrde júrgizdi. Alaıda kórsetilgen medıtsınalyq kómekke qaramastan patsıenttiń ómirin saqtap qalý múmkin bolmady, - dep málim etti basqarmanyń baspasóz qyzmeti.

Atyraý oblystyq Polıtsııa departamenti baspasóz qyzmetiniń málimetinshe, jol-kólik oqıǵasy 27 naýryzda bolǵan.

– Túski saǵat 13:43 shamasynda Dossor kentinen Atyraý qalasy baǵytyndaǵy joldyń Ońaı ata zıraty tusynda Shacman jáne Hyundai Elantra kólikteri soqtyǵysqan. Jol-kólik oqıǵasynyń saldarynan jeńil kóliktiń 2007 jyly jolaýshy ár túrli dene jaraqatyn aldy. Zardap shekken jolaýshy Atyraý oblystyq aýrýhanasyna jetkizilgen edi, - dep tolyqtyrdy departamenttiń baspasóz qyzmeti.

Eske sala ketelik, buǵan deıin Atyraý oblysynda jol apatynan 3 adam mert bolǵanyn habarlaǵan edik.