Atyraýda jol apatynan mopedtiń jasóspirim jolaýshysy mert boldy

ATYRAÝ. KAZINFORM – Atyraýda jol apatynan mopedtiń jasóspirim jolaýshysy mert boody. Atyraý qalalyq polıtsııa basqarmasynyń málimetinshe, jol-kólik oqıǵasy búgin, 26 sáýirde bolǵan.

"Búgin saǵat 18:30 shamasynda Atyraý qalasyndaǵy Qurmanǵazy-Lýgovaıa kósheleriniń qıylysynda jol-kólik oqıǵasy tirkeldi. Toyota Ipsum avtokóliginiń rýlindegi 1979 jylǵy júrgizýshi solǵa burylmaq bolǵan. Sol kezde qarsy baǵytta kele jatqan mopedpen soqtyǵysty. Jol-kólik oqıǵasynyń saldarynan mopedtiń jolaýshysy – 2008 jylǵy jasóspirim oqıǵa ornynda qaıtys boldy", - dep habarlady polıtsııa basqarmasynan.

Qazir jol apatyna baılanysty tıisti is qujattary jınaqtalyp jatyr.