Atyraýda jol apatynan bir adam oqıǵa ornynda, júrgizýshi jedel járdem kóliginde kóz jumdy
ATYRAÝ. KAZINFORM – Atyraý oblysynda eki kólik soqtyǵysyp, bir jolaýshy oqıǵa ornynda mert boldy. Al jeńil kóliktiń júrgizýshisi jedel járdem kóliginde kóz jumdy.
Atyraý oblystyq Polıtsııa departamenti baspasóz qyzmetiniń aqparatyna qaraǵanda, jol-kólik oqıǵasy búgin, 9 maýsymda bolǵan.
«Túngi saǵat 00:30 shamasynda Maqat aýdanyndaǵy Dossor kentinen Qulsary qalasyna qatynaıtyn joldyń 92-shaqyrymy tusynda jol-kólik oqıǵasy tirkeldi. Jol ústinde eki kólik soqtyǵysty. Onyń biri – júk kóligi. Ekinshisi – Nissan Teana jeńil kóligi. Jol apatynyń saldarynan bir adam oqıǵa ornynda qaıtys boldy», - dep habarlady departamenttiń baspasóz qyzmeti.
Jeńil kóliktiń júrgizýshisi jedel járdem kóliginde kóz jumdy.
Eske sala ketelik, buǵan deıin Atyraý oblysynda 4 aıda 39 myń júrgizýshi jyldamdyqty shekten tys asyrǵanyn habarlaǵan edik.
