Atyraýda joǵary synyptyń oqýshysy qatarlasyn úshkir zatpen jaraqattaǵan
ATYRAÝ.KAZINFORM — Atyraý qalasyndaǵy mektepterdiń birinde 9 synyp oqýshysy 8 synypta oqıtyn qyzdy úshkir zatpen jaraqattaǵan. Oqıǵa búgin tústen keıin bolǵan.
Atyraý oblystyq PD resmı málimetine súıensek, kúdikti ustalyp, ata-anasymen birge polıtsııa bólimine jetkizildi.
— Barlyq protsessýaldyq áreket onyń zańdy ókilderiniń qatysýymen júrgizilýde. Qazirgi ýaqytta polıtsııa qyzmetkerleri qajetti tergeý amaldaryn júrgizip jatyr. Oqıǵanyń mán-jaıy anyqtalmaq. Atalǵan derek boıynsha qylmystyq is qozǵaldy. Sondaı-aq, bala tárbıesimen tıisinshe aınalyspaǵan ata-anasy da jaýapkershilikke tartylatyn bolady. Tergeý múddesine sáıkes ózge aqparat jarııa etilmeıdi, — dep málimdedi PD baspasóz qyzmeti.
Al oblystyq densaýlyq saqtaý basqarmasy oqýshynyń Atyraý oblystyq balalar aýrýhanasynda emdelip jatqanyn málimdedi.
— Qazirgi ýaqytta naýqastyń jaǵdaıy ortasha aýyrlyqta, turaqty dep baǵalanyp otyr. Ol medıtsına qyzmetkerleriniń turaqty baqylaýynda jáne barlyq qajetti medıtsınalyq kómekti alyp jatyr. Medıtsınalyq kómek qoldanystaǵy klınıkalyq hattamalarǵa sáıkes tolyq kólemde kórsetilip jatyr. Jaǵdaı baqylaýda, — dep habarlady basqarmanyń baspasóz qyzmeti.
Osyǵan deıin Atyraýda qatarlastaryn baltamen qýalaǵan oqýshyǵa qatysty qylmystyq is qozǵalǵanyn jazǵan edik.
Birneshe kúnnen keıin oqýshy sabaqqa qatysty.
