Atyraýda joǵalyp ketken otbasy: erli-zaıyptynyń denesi tabyldy
ATYRAÝ.KAZINFORM — Atyraýda joǵalǵan otbasy músheleriniń ekeýiniń denesi tabyldy. Aýyl turǵyndarynyń aıtýynsha, úıdiń otaǵasy men áıeliniń denesin úı aýlasyndaǵy saraıǵa kómip tastaǵan.
— Qyzylqoǵa aýdanynda Atyraý oblysy aýmaǵynda habar-osharsyz ketken erli-zaıyptylardyń máıiti tabyldy. Qazirgi ýaqytta taǵy eki joǵalǵan adamnyń júrgen jerin anyqtaý boıynsha izdestirý sharalary jalǵasyp jatyr. Atalǵan fakti boıynsha adam óltirý belgilerimen qylmystyq is qozǵaldy. Kúdiktilerdiń jeke basy anyqtaldy. Qazirgi tańda olardy izdeý jáne ustaý maqsatynda quqyq qorǵaý organdary tıisti jedel-izdestirý is-sharalaryn júrgizilip jatyr. Áleýmettik jeli qoldanýshylaryn aqparattyń tek resmı derekkózderine súıenýge jáne rastalmaǵan ári jalǵan málimetterdi taratýdan bas tartýǵa shaqyramyz, — dedi oblystyq PD bastyǵy Nurhat Orazbaev.
Olardy izdestirý jumysy jumysy tek Atyraýda ǵana emes, Qazaqstan boıynsha uıymdastyrylǵan. Kúni keshe polıtsııa qyzmetkerleri 4 azamattyń nómiri Shymkent qalasynda qosylǵanyn málimdegen edi.
PD bul tórt adamnan bólek sol úıdiń qyzy men kúıeý balasynyń Ózbekstanǵa, odan keıin basqa elge ketkenin anyqtaǵanyn málimdegen.
Aıta keteıik, polıtsııa departamenti tórt azamattyń joǵalǵany týraly isti QR Qylmystyq kodeksiniń adam óltirý baby boıynsha tergeýdi bastaǵan edi.