Atyraýda joǵalyp ketken boıjetkendi Jaıyq ózeninen izdeý qaıta jalǵasty
ATYRAÝ. KAZINFORM – Atyraýda iz-túzsiz joǵalǵan 23 jastaǵy boıjetken áli tabylmady. Ony Jaıyq ózeninen izdeý qaıta jalǵasty.
Іz-túzzsiz joǵalǵan boıjetkendi Jaıyq ózeniniń túbinen izdeý 15 jeloqsanda bastalǵan. Bul derekti Atyraý oblystyq tótenshe jaǵdaılar departamentiniń qoǵammen baılanys toby rastady.
– Jaıyq ózeninen izdestirý jumystaryn úılestirýdi Tótenshe jaǵdaılar mınıstrligi tótenshe jaǵdaılardy joıý departamentiniń bas mamany Dıdar Qajkenov pen Atyraý oblystyq tótenshe jaǵdaılar departamenti bastyǵynyń orynbasary Ratbek Demeýbergen qolǵa aldy. Іzdestirý jumystaryna 36 qutqarýshy, 1 kınologııalyq esep, 6 tehnıka, 2 sý kóligi jáne ushqyshsyz ushý apparaty tartyldy, -dep málim etti departamenttiń qoǵammen baılanys tobynan.
Joǵalǵan boıjetkendi izdeýge onyń anasy da shyqqan. Іzdeý operatsııasy aıasynda Jaıyq ózeniniń jaǵalaýy muqııat qaraý qolǵa alynǵan.
– Sý aıdynynyń túbin súzý ádisi júrgizilip jatyr. Ózen túbin egjeı-tegjeıli zertteý úshin súńgýirler eholot qoldanady, -dep habarlady departamenttiń qoǵammen baılanys toby.
Eske sala ketelik, budan buryn Atyraýda 18 qazanda joǵalyp ketken 23 jastaǵy boıjetkendi izdep jatqanyn habarlaǵan bolatynbyz.
Birneshe kúnnen soń boıjetkenniń iz-túzsiz joǵalýyna baılanysty eki kúdikti ustaldy.
Keıinnen iz-túzsiz joǵalǵan 23 jastaǵy boıjetkendi Jaıyq ózeninen izdegenin jazǵan edik.
Arada 44 kún ótkennen keıin joǵalǵan boıjetkendi Jaıyq ózeninen izdeý 44 kúnnen keıin toqtatyldy.