Atyraýda joǵalǵan otbasynyń ul-qyzynyń múrdesinen úshkir zattyń izderi baıqalǵan

Bul týraly oblystyq polıtsııa departamenti bastyǵynyń birinshi orynbasary Quttybaı Sadyqov málimdedi.

Onyń aıtýynsha, marqumdardyń naqty neden jáne qashan kóz jumǵany saraptama qorytyndysynan keıin belgili bolady.

— Múrdelerde úshkir zattan bolǵan jaraqattar bar. Qazirgi ýaqytta sot-medıtsınalyq saraptama taǵaıyndaldy, — dedi Quttybaı Sadyqov.

Eske salaıyq, jýyrda polıtsııa Atyraý oblysy Jangeldın aýylynda bútin bir otbasynyń ólimine kúdikti Sultan Sarsemalıevti tergeý áreketteri úshin oqıǵa ornyna aparǵan. Kúdikti tergeýshilerge qylmysty qalaı jasaǵanyn kórsetken.

Aldyn ala málimetke sáıkes, ol ata-enesin óltirip, aýladaǵy saraı ishinde tereńdigi shamamen 1,5 metr shuńqyr qazyp, denelerdi sol jerge kómip ketken. Ústine dıvan qoıyp, izin jasyrmaq bolǵan.29 jastaǵy Sultan Sarsemalıev burynǵy áıeliniń baýyrlary Naýryz Muqanǵalıev pen Meıramgúl Qarabalınany qaladaǵy jaldap turǵan úıiniń irgesine kómgen. 

Keshe ІІM Meıramgúl Qarabalına men Naýryz Muqanǵalıevtyń múrdesi Sultan Sársemalıev pen Aqbaıan Muqanǵalıevanyń qalada jaldap turǵan úı mańynan tabylǵanyn rastady. Al bul aýmaqty osydan 2 aı buryn polıtsııa qyzmetkerleri túrli ádispen, tehnıkalardyń kómegimen tekserip ketken edi.

Kúdiktiler aqpan aıynyń sońynda Indonezııa Respýblıkasynyń Lombok aralyndaǵy Senarý aýylynda asa aýyr qylmys jasady dep kúdikke ilingender ustalǵan edi. 

Birneshe kúnnen keıin olar Atyraý qalasyna jetkizildi. 

Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi. 

6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy. 

Keıin olardyń denelerinde pyshaq izderi bary belgili boldy.

9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy. 

Sondaı aq joǵalǵan otbasy týraly tyń derekterdi áleýmettik jeli arqyly taratqan hakerge halyqaralyq izdeý jarııalanǵan edi. 

Aqpan aıynyń basynda kúdiktiń 5 balasy memleket qamqorlyǵyna alyndy.

Qandy qylmysqa qatysy bolýy múmkin degen kúdikke sol úıdiń qyzy da ilindi.

Eki kúdiktiniń shetelde qalaı ustalǵany jóninde vıdeo jarııalandy.