Atyraýda joǵalǵan otbasynyń qyzy men ulyn izdeý toqtaǵan joq
ATYRAÝ. KAZINFORM – Atyraý oblastyq PD Jangeldın aýylynda joǵalǵan otbasy músheleri Meıramgúl Qarabalına men Naýryz Muqanǵalıevty izdeý jumysy toqtaldy degen aqparatty rastamady.
Baspasóz qyzmeti taratqan aqparatqa sáıkes, izdeý tek azamattar tabylǵan kezde toqtaıdy. Sondyqtan izdestirý jumysy áli jalǵasyp jatyr.
Qazirgi ýaqytta bul jumysqa TJD qyzmetkerleri aralasyp jatqan joq. ıAǵnı, bul qurylym tarapynan izdeý toqtaǵan. Osyǵan deıin qutqarýshylar jergilikti Polıtsııa departamentiniń resmı suranysy negizinde jumys istegen.
– Polıtsııa belgilegen barlyq aýmaq tolyqtaı tekserildi. Іzdestirý jumystaryn jalǵastyrýǵa qatysty Polıtsııa departamentinen qosymsha baǵdarlaý nemese jańa suranystar túsken joq, - dedi TJD ókilderi.
Polıtsııa departamenti tehnıkalyq qajettilikter qajet jaǵdaıda izdestirý jumysyna ózge qurylymdar jumyldyrylyp jatqanyn habarlady.
Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
6 qańtarda Atyraý oblysy aýmaǵynan joǵalǵan otbasynyń eki múshesiniń – otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
Keıin olardyń denelerinde pyshaq izderi bary anyqtaldy.
9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde belgili boldy.
Sondaı aq joǵalǵan otbasy týraly tyń derekterdi áleýmettik jeli arqyly taratqan hakerge halyqaralyq izdeý jarııalanǵan edi.