Atyraýda joǵalǵan 20 jastaǵy boıjetken úsh kúnnen keıin ıesiz saraıdan tabyldy

Atyraýlyq 20 jastaǵy boıjetken úsh kún buryn joǵalyp ketken. Búgin qutqarýshylar joǵalǵan boıjetkendi qaraýsyz qalǵan saraıdan aman-esen tapty, dep habarlaıdy Kazinform.

Oblystyq tótenshe jaǵdaılar deparatmentiniń qoǵammen baılanys tobynan málim etkendeı, 2023 jylǵy boıjetken 14 qarashada túngi saǵat 21:50-de úıinen shyǵyp ketken.

«Sodan beri týystaryna ózi týraly habar bermegen. Sol sebepten, týystary keshe, 16 qarashada tótenshe jaǵdaılar departamentine boıjetkenniń joǵalǵany týraly habarlap, izdestirýge kómek surady. Osyǵan baılanysty departamenttiń qyzmetkreleri jan-jaqty izdeý jumysyna kiristi. Kınologtar Jaıyq ózeniniń jaǵalaýynan, dalalyq jerden izdestirý júrgizdi. Búgin, 17 qarashada jergilikti ýaqytpen saǵat 10:20-da joǵalǵan boıjetken «Jqmysker» shaǵyn aýdanyndaǵy qaraýsyz qalǵan saraıdan aman-esen tabyldy», - dep habarlady qoǵammen baılanys tobynan.

Qazir 2003 jylǵy qyzdyń habar-osharsyz ketý sebebi anyqtalyp jatyr. Іzdestirý jumysyna departamenttiń 5 qyzmetkeri, 1kınologııalyq top, 1 tehnıka tartylǵan.

Eske sala ketelik, budan buryn joǵalǵan atyraýlyq azamat BQO-dan tabylǵanyn habarlaǵan bolatynbyz.