Atyraýda jylý qubyrynyń janynan 2 adamnyń múrdesi tabyldy

ATYRAÝ. KAZINFORM – Atyraý qalasynda jylý qubyrynyń janynan er men áıeldiń múrdesi tabyldy. Qazir sot-medıtsınalyq saraptama júrgizilip jatyr.

Atyraý oblystyq polıtsııa departamentiniń baspasóz qyzmeti 27 qarashada 2 adamnyń óli kúıde tabylǵanyn rastady. 

– Atyraý qalasyndaǵy kópqabatty úıdiń artyndaǵy jylý qubyrynyń janynan eki adamnyń múrdesi tabyldy. Óli tabylǵannyń biri – er adam, al ekinshisi – áıel. Er adam 34-te, áıel 42 jasta bolǵan. Marqumdardyń múrdesinen jaraqat anyqtalmady, - dep málim etti departamenttiń baspasóz qyzmetinen. 

Qazir marqumdardyń múrdesine sot-medıtsınalyq saraptama júrgizi bastalǵan.

Eske sala ketelik, buǵan deıin Atyraýda kólik qaqqan 59 jastaǵy áıel oqıǵa ornynda kóz jumǵanyn habarlaǵan bolatynbyz.