Atyraýda jylý berý merzimi belgili boldy
ATYRAÝ. KAZINFORM — Atyraýda 1 qazannan bastap áleýmettik nysandarǵa jylý berile bastady. 7 qazannan bastap turǵyn úılerdi jylýmen qamtý josparlanyp otyr.
Qalalyq ákimdiktiń aqparatyna súıensek, ortalyqtandyrylǵan jylý júıesine qosylǵan úılerdiń barlyǵy jylytý maýsymyna daıyn. Olarǵa jylý kezeń-kezeńimen beriledi.
Al avtonomdy jylytý júıesi bar turǵyn úılerde daıyndyq jumysy jalǵasyp jatyr.
«Abyroı» turǵyn úı keshenine rezervtik qazandyq jetkizilgen. Qazir ony iske qosý boıynsha jumys júrip jatyr.
Eske salaıyq, bıyl qala bıligi jeke turǵyn úı keshenderiniń birqataryndaǵy jylytý ortalyqtaryn memleket menshigine alýǵa kiristi.
Aıta keteıik, Atyraýda jylýmen jabdyqtaý tarıfi 5 qazannan bastap 5 paıyzǵa ósti. Turǵyndar úshin 1 Gkal jylý quny 5 347,79 teńgeden 5 615,18 teńgege deıin qymbattady.
