Atyraýda jylytý maýsymy bastalǵaly jer úılerde 30 márte órt tutanǵan
KAZINFORM. ATYRAÝ — Jyl basynan beri Atyraý oblysynda 300 órt oqıǵasy tirkelgen. Onyń 163-i turǵyn úıde bolyp, saldarynan 9 adam qaza taýyp, 16 adam jaraqat alǵan.
Al jylytý maýsymy bastalǵaly turǵyn úı sektorynda 30 órt deregi anyqtalǵan. Byltyr bul ýaqytta osyndaı 27 jaǵdaı tirkelgen edi.
Mundaı málimet oblys ákimdiginde ótken tabıǵı jáne tehnogendik sıpattaǵy tótenshe jaǵdaılardyń aldyn alý jáne ony joıý máselesi boıynsha josparly komıssııasynyń otyrysynda aıtyldy.
Tótenshe jaǵdaı departamentiniń aqparatyna sensek, aldyn alý sharalary aıasynda áleýmettik osal sanattaǵy 1684 otbasynyń 376 turǵyn úıine gaz jáne tútin dabylqaqqyshtary ornatylǵan.
Qazirgi ýaqytta jańa jyl merekesi qarsańynda óńirde «Pırotehnıka» jedel-profılaktıkalyq is-sharasy bastaldy.
Osyǵan deıin Atyraýda kópqabatty úıde órt shyǵyp, 11 adam qutqarylǵanyn jazǵan edik.