Atyraýda jyl basynan beri januıasynda janjal shyǵarǵan 156 adam qamaldy
ATYRAÝ. KAZINFORM – Atyraý oblysynda jyl basynan beri otbasy-turmystyq qatynastar salasyndaǵy quqyqbuzýshylyqtarǵa qatysty 2496 habarlama tirkeldi.
Esepti kezeńde otbasy tynyshtyǵyn buzǵan 2456 azamat QR Ákimshilik quqyqbuzýshylyq týraly kodeksiniń 73 baby (Otbasy-turmystyq qatynastar aıasyndaǵy quqyqqa qarsy áreketter) boıynsha jaýapqa tartylǵan.
Sonymen qatar 2132 qorǵaý nusqamasy shyǵarylǵan. Olardyń talaptaryn buzǵan 156 azamat ákimshilik jaýapkershilikke tartylyp, sot sheshimimen qamalǵan.
Budan bólek, 484 adamǵa qatysty minez-qulyqqa erekshe talaptar belgilengen.
Quqyq qorǵaý organdarynyń málimetinshe, óńirde otbasy-turmystyq qatynastar salasyndaǵy quqyq buzýshylyqtardyń aldyn alý jáne qoǵamdyq qaýipsizdikti kúsheıtý baǵytynda profılaktıkalyq jumystar júıeli túrde júrgizilip keledi.
Buǵan deıin Abaı oblysynda otbasylyq janjalǵa baılanysty 500-den asa adam polıtsııa esebinde turǵanyn jazǵan edik.
