Atyraýda jyl basynan beri quqyq buzǵan 7 207 jasóspirim polıtsııaǵa jetkizilgen
ATYRAÝ. KAZINFORM – Atyraý oblysynda jyl basynan beri 7 207 jasóspirimniń ákimshilik jáne qylmystyq quqyq buzýshylyq jasaǵany anyqtalyp otyr.
Atyraý oblystyq polıtsııa departamentiniń baspasóz qyzmetinen málim etkendeı, quqyq buzýshylyq jasaǵan jasóspirimniń bári polıtsııaǵa jetkizilgen.
«Kámeletke tolmaǵandardyń quqyǵy men bostandyǵyn qamtamasyz etý, balalardy zorlyq-zombylyqtan jáne qylmystyq qol suǵýshylyqtan qorǵaý – memlekettiń basty áleýmettik mindeti. Jyl basynan beri Atyraý oblysynda ishki ister organdaryna ártúrli ákimshilik jáne qylmystyq kuqyq buzýshylyq boıynsha 7207 bala jetkizildi. Kámeletke tolmaǵandardyń quqyǵyn qorǵaý jónindegi komıssııalarǵa 175 qujat joldandy. Komıssııa sheshimimen 1 ata-ananyń quqyǵy shektelip, 2-eýi ata-ana quqyǵynan aıyryldy», - dep habarlady departamenttiń baspasóz qyzmeti.
Balalarynyń tárbıesine salǵyrttyq tanytyp, ata-analyq mindetin oryndamaǵan tulǵalarǵa 880 ákimshilik hattama toltyrylǵan. Jyl basynan beri arnaıy esepke 79 jaısyz otbasy alynǵan.
Eske sala ketelik, budan buryn Atyraýda moped júrgizýshileriniń kesirinen 6 adam mert bolyp, 70-i jaraqat alǵanyn habarlaǵan bolatynbyz.
Atyraý qalalyq polıtsııa basqarmasy patrýldik polıtsııa batalony komandıriniń orynbasary Óser Jáńgirhannyń málimetinshe, jyl basynan beri moped júrgizýshileriniń kesirinen 148 jol-kólik oqıǵasy tirkelgen.
«Jol apatynyń saldarynan 70 adam túrli dene jaraqatymen aýrýhanaǵa jetkizildi. Al, 6 adam qaza tapty. Mopedti paıdalanatyn 1 jasós587 myńnan astam adam ákimshilik jaýapkershilikke tartyldy. Arnaýly aıyp turaǵyna 429 elektrli kólik quraly qoıyldy», - deıdi Óser Jáńgirhan.
