Atyraýda jyl basynan beri kıberqylmysqa baılanysty 50-ge jýyq kúdikti ustaldy
ATYRAÝ. KAZINFORM – Atyraý oblysynda jyl basynan beri 300-den astam kıberqylmys tirkeldi. Onyń basym bóligi ınternettegi alaıaqtyqpen baılanysty bolyp otyr.
Atyraý oblystyq polıtsııa departamentiniń jedel ýákili Rasýl Joldastyń aıtýynsha, alaıaqtar WhatsApp, Instagram, Telegram, Facebook jelilerin, shetelde tirkelgen mobıldi nómirler men feık akkaýnttardy paıdalanady.
– Jyl basynan beri 50-ge jýyq kúdikti ustalyp, 133 qylmystyq is sotqa joldandy. Keıbir derekterge qatysty tergeý amaldary jalǵasyp jatyr. Atyraý oblysynda tirkelgen kıberqylmystardyń basym bóligi ınternet-dúkender arqyly jalǵan taýar satý, ózin bank qyzmetkeri retinde tanystyryp aldaý, fıshıngtik siltemelermen jeke derekterdi urlaý tásilimen jasalady. «Kıberbaqylaý» platformasymen 2 myńnan astam fıshıngtik saıt anyqtalyp, buǵattaldy. Baılanys operatorlarymen birge jalǵan nómirler men alaıaqtyq qońyraýlardy anyqtaý, turǵyndarǵa SMS arqyly eskertý habarlamalaryn taratý jumysy turaqty júrgizilip otyr. Turǵyndarǵa kıberqaýipsizdik erejelerin saqtaýdy, kúmándi jaıt týyndaǵanda 102 nomerine habarlaýdy eskertemiz, - deıdi Rasýl Joldas.
Onyń deregine qaraǵanda, qazir ıternettegi alaıaqtyqty anyqtaý, jolyn kesý maqsatynda «Kıerpol» jedel toby jumys isteıdi. Bıyl mektepter men kolledjderde kıberqaýipsizdikke 20 myńnan asa turǵyn qatysqan arnaıy lektsııalar ótkizilgen.
Eske sala ketelik, budan buryn Atyraýda 90 jastaǵy zeınetkerdiń 6 mln teńgesin alǵan alaıaq sottalǵanyn