Atyraýda jyl basynan beri 31 kólik órtendi
ATYRAÝ. KAZINFORM – Atyraý oblysynda jyl basynan beri 31 avtokólik órtendi. Al 2025 jyldyń alǵashqy úsh aıynda 18 mashına otqa oranǵan.
Atyraý oblystyq TJD málimetinshe, kóliktiń órtenýine tehnıkalyq aqaýlar,symdarynyń qysqa tuıyqtalýy jáne órt qaýipsizdigi talaptarynyń saqtalmaýy sebep bolǵan.
Mamandardyń aıtýynsha, kólik órtteri kóbine qozǵaltqysh bóliginde nemese elektr júıesinde týyndaıdy. Ásirese, ýaqytyly tehnıkalyq tekseristen ótpegen jáne aqaýy bar avtokólikterde órt shyǵý qaýpi joǵary.
– Júrgizýshilerge kólikti der kezinde tekseristen ótkizip, qaýipsizdik talaptaryn saqtaýdy qatań eskertemiz. Elektr symdaryna únemi nazar aýdaryp, janarmaı júıesin baqylaýda ustaý kerektigin eske salamyz. Árbir avtokólikte órt sóndirgish qural bolýy mindetti, - dep málimdedi TJD baspasóz qyzmeti.
Buǵan deıin Qazaqstanda kólikti tehnıkalyq baıqaýdan ótkizý qyzmeti qansha ekenin jazǵan edik.