Atyraýda jyl basynan beri 24 bala terezeden qulaǵan
ATYRAÝ. KAZINFORM – Bıyl 9 aıda Atyraý oblysynda balalardyń terezeden qulaýyna qatysty 24 jaǵdaı tirkeldi. Saldarynan 1 bala kóz jumǵan,qalǵandary túrli jaraqat alǵan. Atyraý oblystyq TJD-niń málimetinshe, zardap shekken kishkantaılar 1 men 7 jas aralyǵynda.
Balalardyń terezeden qulaý qaýpiniń aldyn alý maqsatynda 400-ge jýyq reıd uıymdastyrylyp, 10 myńnan astam turǵyn qamtylǵan.
Sonymen qatar 634 páterge terezege arnalǵan arnaıy qorǵanys bekitpesi ornatyldy.
– Balanyń terezeden qulap ketýiniń aldyn alýda eń mańyzdysy – ony qaraýsyz qaldyrmaý jáne terezege arnaıy qorǵanys bekitpelerin ornatý. Sonymen qatar tereze aldyna bala ońaı shyǵyp alatyn jıhazdardy qoımaǵan jón, – dedi Atyraý oblysy TJD Tótenshe jaǵdaılardyń aldyn alý basqarmasynyń ınjeneri Nursát Haberov.
Bıyldan bastap kópqabatty turǵyn úılerde balalardyń terezege jaqyndaǵanyn eskertetin arnaıy dybystyq habarlama júıesi de ornatylyp jatyr. Júıe domofondaǵy dybystyq sıgnalǵa uqsas jumys isteıdi. Bala terezege jaqyndaǵan kezde ata-anaǵa eskertý beriledi.
Buǵan deıin Shymkentte mektep terezesin jýǵan muǵalim abaısyzda qulap, aýrýhanaǵa túskenin jazǵan edik.
