Atyraýda jezókshelikpen aınalysqandar arasynda transceksýal er kisi bolǵan
Atyraýda jezókshelikpen aınalysqandar arasynda transceksýal men er adamnyń bolǵany anyqtaldy, dep habarlaıdy Kazinform.
Atyraý oblystyq polıtsııa departamenti baspasóz qyzmetiniń aqparatyna súıensek, beıádep áreketpen tánin saýdalaýshylardyń arasynda sheteldikter de bar.
«Uıymdasqan qylmysqa qarsy kúres basqarmasynyń qyzmetkerleri Atyraý qalasynyń aýmaǵynda ornalasqan saýnada jezókshelikpen aınalysqan Shymkent, Almaty qalalary men Jambyl oblysynyń 8 turǵynyn anyqtady. Ózbekstan Respýblıkasynyń 1986 jylǵy azamatshasy zańsyz prıton uıymdastyrǵan. Sheteldikke qatysty QR Qylmystyq kodeksiniń 309-babymen sotqa deıingi tergeý bastaldy», — dep habarlady departamenttiń baspasóz qyzmeti.
Sondaı-aq, tánin satý isimen aınalysqan er adamdar anyqtalyp otyr.
Máselen, Tájikstan Respýblıkasynyń 26 jastaǵy trancseksýal azamaty ıntım qyzmet kórsetýdi maqsat etken.
Internet jelisi arqyly osyndaı qyzmet kórsetý úshin tapsyrys qabyldaǵan er adam ustalǵan.
«Qazaqstan aýmaǵyna qarasha aıynda kelgen shetel azamatyn elden shyǵarýǵa qatysty jınaqtalǵan is-qujattar kóshi-qon basqarmasyna tapsyryldy. Ustalǵandardyń bári jezókshelikpen aınalysýshylar esebine tirkeldi», — dep málim etti departamenttiń baspasóz qyzmetinen.
Eske sala ketelik, buǵan deıin Atyraýda mas sheteldiktiń kesirinen tórt kólik soqtyǵysqanyn jazǵan edik.
