Atyraýda jerdi zańsyz paıdalanǵan sharýa qojalyǵyna 2,5 mln teńge aıyppul salyndy

ATYRAÝ. KAZINFORM — Atyraý oblysynda sharýa qojalyǵynyń memlekettiń ıeligindegi jerdi zańsyz paıdalanǵany anyqtaldy. Sot sheshimimen sharýa qojalyǵyna 2,5 mln teńge aıyppul salyndy.

Jer resýrstaryn basqarý komıtetiniń málimetinshe, Atyraý oblystyq jer resýrstaryn basqarý departamenti men Atyraý kólik prokýratýrasy memlekettiń ıeligindegi jerdi paıdalaný boıynsha tekserý júrgizgen. 

— Tekserý qorytyndysymen jerdi zańsyz paıdalaný deregi anyqtaldy. Jerdi paıdalanýǵa qatysty zań talabyn buzǵan sharýa qojalyǵyna QR Ákimshilik quqyq buzýshylyq týraly kodeksiniń 136-babyna sáıkes 2 mln 584 myń 400 teńge aıyppul salyndy. Sharýa qojalyǵynyń sot sheshimine qarsy qoıǵan talaptary qabyldanbady, - dep málim etti atalǵan komıtetten.

Sondaı-aq Atyraý oblystyq jer resýrstaryn basqarý departamenti sharýa qojalyǵyna Mahambet aýdanynda ornalasqan 100 gektar aýmaqty ıgerý týraly uıǵarym bergen. Alaıda uıǵarym nusqamasynyń oryndalmaǵan. Soǵan baılanysty jer ýchaskesi QR Jer kodeksiniń 94-babyna sáıkes májbúrli túrde qaıtarylyp alynǵan.

Eske sala ketelik, budan buryn Atyraý oblysynda 92 myń gektar jer telimi memleket menshigine qaıtarylǵanyn jazǵan edik.