Atyraýda jeltoqsannan beri juqpaly aýrý anyqtalǵan iri qara sany 4,5 myńnan asty

ATYRAÝ. KAZINFORM – Atyraý oblysy Qurmanǵazy aýdanynda  4 507 iri qaradan vırýstyq dıareıa jáne ınfektsııalyq rınotraheıt juqpaly aýrýy anyqtaldy. Bul jóninde oblystyq aýyl sharýashylyǵy jáne jer qatynastary basqarmasy málimdedi.

Veterınarlardyń sózinshe, búginde aýdanda 3 myńnan asa sıyr jazylǵan. Qalǵan 1 412-si emdelip jatyr. Qazir qoralar jappaı dezınfektsııalanýda. Іndet taraǵan Dyńǵyzyl, Bókeıhan, Eńbekshi jáne Qurmanǵazy aýyldyq okrýgterinde karantındik shekteýler kúshinde, et satýǵa ýaqytsha tyıym salyndy.

– Aýdanǵa 89 myń doza vaktsına keldi. Vaktsınatsııa jumystary júrip jatyr. Atalǵan aýrýdan 1 mal óldi. Alǵashynda bul aýrý Bókeıhan, Jylandy aýylynan shyqty. Bul eldimekender Reseımen shekarada ornalasqan. ıAǵnı, aýrý kórshi elden keldi degen boljam bar, - dedi aýdan ákimi Abat Janǵalıev.

Juqpaly aýrý kórshiles Isataı aýdany Zıneden aýylyna da jetkenin jazǵan edik. Jalpy bul aýyldy aýrýdy 119 iri qara juqtyrǵan. Qazir bul eldimekende 33 sıyr aýyryp tur. Qalǵan 86-sy aýrýdan aıyqqan. Bul aýylǵa engizilgen karantındik shekteý áli alynbady.

Bir apta buryn óńirde jeltoqsannan beri 1 500-ge jýyq iri qaradan juqpaly aýrý anyqtalǵanyn habarladyq.

Eske salaıyq, Atyraý oblysy Isataı aýdanyna qarasty Qamysqala aýylynda 50-den asa jylqy ólip qalǵanyn jazǵan edik. 

Keıin Atyraýda mal qyrylǵan aýdanǵa Oraldan jem jetkizildi. 

Bir aptadan keıin taǵy 45 tonna jem sharýalarǵa arzan baǵada satylǵan edi.