Atyraýda jeltoqsannan beri 1500-ge jýyq iri qaradan juqpaly aýrý anyqtalǵan

ATYRAÝ.KAZINFORM – Atyraý oblysyna qarasty Qurmanǵazy men Isataı aýdandarynda 1500-ge jýyq iri qaradan vırýstyq dıareıa jáne ınfektsııalyq rınotraheıt aýrýy anyqtaldy. Bul jóninde oblystyq aýyl sharýashylyǵy jáne jer qatynastary basqarmasy málimdedi.

Aýrý belgileri jeltoqsan aıynyń sońynda baıqalǵan. Keıin mamandar arnaıy zertteý júrgizip, sımptomatıkalyq emdeýge kirisken. Búginde 1 myńnan asa mal aýrýdan aıyqqan.

Qazirgi ýaqytta Isataı aýdanyna qarasty Zıneden, Qurmanǵazy aýdandaryna qarasty Dyńǵyzyl, Eńbekshi, Bókeıhan jáne Qurmanǵazy aýyldaryna karantındik shekteýler engizilgen.

Anyǵyn aıtqanda, atalǵan eldimekenderge mal kirgizýge jáne shyǵarýǵa ýaqytsha tyıym salyndy.

- Bul aýrýdyń taraýyna mal tasymaly áser etip otyr. Eki aýdan tranzıttik dálizde ornalasqan. ıAǵnı, kórshi RF aýmaǵynan tórt túlik tasymaldanyp jatyr. Aldymen maldyń aýzynda jara paıda bolady. Odan keıin silekeıi aǵyp, azyq jemeı qalady. Sımptomatıkalyq sharalardy júrgizý nátıjesinde mal shyǵyny tirkelmedi, - dedi Atyraý oblystyq aýyl sharýashylyǵy jáne jer qatynastary basqarmasynyń bólim basshysy Saıran Ǵudnan.

Aqpan aıynda óńirge 12 aýrýǵa qarsy 1 mln 445 myń doza vaktsına jetkizilgen. Olardyń arasynda atalǵan aýrýǵa qarsy vaktsına da bar.Qazirgi ýaqytta oblystaǵy barlyq aýylǵa vaktsınalar taratylyp, aýrýdyń aldyn alý sharasy júrip jatyr.

Atyraý oblysy Isataı aýdanyna qarasty Qamysqala aýylynda 50-den asa jylqy ólip qalǵanyn habarlaǵan edik.