Atyraýda Jaıyqqa batqan jasóspirimniń anasy kólik qozǵalysyn shektemek bolǵan

ATYRAÝ. KAZINFORM – Atyraýda tamyz aıynda birneshe jasóspirim Jaıyq ózenine batyp ketken edi. Búgin jasóspirimniń biriniń anasy kólik qozǵalysyn shekteýge tyrysty.  

Bul týraly áleýmettik jelide beınejazba tarady. Atyraý oblystyq polıtsııa departamentiniń baspasóz qyzmeti tómendegideı túsinik beredi.

«Búgin, 11 qazan kúni saǵat 9:00 shamasynda qala turǵyny oblystyq prokýratýra tusyndaǵy jol qıylysynda kólik qozǵalysyn shektemek boldy. Áıel adam quqyq buzýshylyqtyń aldyn alýǵa barǵan tártip saqshylarynyń zańdy talabyna baǵyndaı kedergi keltirdi. Atalǵan azamatsha – tamyz aıynda Jaıyq ózenine dostarymen baryp, batyp ketken jasóspirimniń anasy. Polıtsııa bul derek boıynsha tamyz aıynan beri qylmystyq isti tergeýdi júrgizip jatyr. Tergeýdiń keshendi is-áreketteri jan-jaqty júrgizilip, jábirlenýshige túsindirildi. Qylmystyq isti tergeý barysy departament basshylyǵynyń tikeleı baqylaýyna alyndy», - dep habarlady departamenttiń baspasóz qyzmeti.

Eske sala ketelik, buǵan deıin Atyraýda Jaıyqqa batqan 14 jasar jasóspirim tabylmaı jatqanyn jazǵan bolatynbyz.

Keıin Jaıyqqa batqan jasóspirimdi kúdikti ıterip jibergen bolýy múmkin ekenin habarlaǵan edik.