Atyraýda Jaıyqqa batqan jasóspirimdi ıterip jiberýi múmkin

ATYRAÝ. KAZINFORM – Atyraýda Jaıyqqa batqan 14 jastaǵy jasóspirimdi ıterip jiberý múmkin. Polıtsııa osy derekke baılanysty qylmystyq is qozǵady.

Áleýmettik jelide «Іnimdi birneshe bala Jaıyqqa aldap aparyp, tereń tusyna ıterip jibergen. Ony ıtergen bala moıyndady. Men Jaıyqqa batqan balanyń apasymyn» degen áıeldiń, álde boıjetkenniń aýdıojazbasy tarady. Onyń aıtýynsha, jasóspirim keshe, 21 tamyzda shamamen saǵat 20:00 shamasynda ózenge batqan.

Atyraý oblystyq Polıtsııa departamentiniń baspasóz qyzmeti atalǵan derekke baılanysty qylmystyq is qozǵalǵanyn rastady.

«Atalǵan derek boıynsha barlyq jasóspirim polıtsııa bólimshesine jetkizildi. Psıhologterdiń qatysýymen jasóspirimderden jaýap alynyp jatyr. Qylmystyq is qozǵaldy. Keshendi tergeý amaldary bastaldy. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmetinen.

Eske sala ketelik, buǵan deıin Atyraýda Jaıyqqa batqan 14 jastaǵy jasóspirim tabylmaı jatqanyn habarlaǵan bolatynbyz.