Atyraýda Jaıyqqa batyp ketken jasóspirimniń denesi áli tabylmady
ATYRAÝ. KAZINFORM – Atyraý oblysynyń Inder aýdanynda sýǵa batyp ketken jastaǵy jasóspirimdi izdestirý jumysy jalǵasyp jatyr.
Oblystyq tótenshe jaǵdaılar departamentiniń málimetine sáıkes, oqıǵa 5 shilde kúni Inder aýdanyndaǵy Esbol aýylynda bolǵan. Aldyn ala málimet boıynsha, 2013 jyly týǵan jasóspirim Jaıyq ózeninde shomylýǵa tyıym salynǵan orynda sýǵa túsip, batyp ketken.
Qazirgi ýaqytta izdestirý-qutqarý jumystaryna oblystyq tótenshe jaǵdaılar departamentiniń 13 qyzmetkeri, 3 tehnıka jáne 3 júzý quraly jumyldyryldy.
— Іzdestirý barysynda «Naýtılýs-50» mobıldi izdeý kesheni arqyly sý aıdyny túbiniń shamamen 1200 sharshy metr aýmaǵy tekserildi. Sondaı-aq qutqarýshylar 15 ret sýǵa súńgip, traldaý ádisimen 1700 sharshy metrge jýyq akvatorııany qarap shyqty, — dep málimdedi TJD baspasóz qyzmeti.
Іzdestirý jumysy jalǵasyp jatyr.
Buǵan deıin Atyraýda 5 jastaǵy qyz kanalǵa túsip ketip, kóz jumǵanyn jazǵan edik.
