Atyraýda Jaıyq jaǵasyndaǵy Aspa eldi mekeniniń 86 turǵyny kóshiriledi

ATYRAÝ. KAZINFORM – Atyraýda tasqyn sý qaýpine baılanysty Aspa eldi mekenindegi 86 turǵyn qaýipsiz aımaqqa kóshiriledi. Sebep – eldi meken Jaıyq ózenine óte taıaý ornalasqan.  

Atyraý oblysy ákiminiń baspasóz qyzmetinen málim etkendeı, sý tasqynyna baılanysty 229 shaqyrym bóget salý josparlanǵan. Qazir bógettiń 139,2 shaqyrym salynǵan.

Al Qaıyrshaqty aýyldyq okrýginiń aýmaǵyndaǵy Aspa eldi mekeninde 16 turǵyn úı bar. Bul aýylda 86 adam turady. Eldi meken Jaıyq jaǵalaýyna jaqyn oornalasqandyqtan, úılerdiń salyǵy shaıylyp barady.

«Bul aýyldyń turǵyndaryn kóshirýge sheshim qabyldandy. Jaýapty mamandar qajetti is-sharany qolǵa alady», - deıdi oblys ákimi Serik Shápkenov.

Qazir Atyraý qalasy men oǵan taıaý ornalasqan eldi mekenderde bóget salýǵa 950 tehnıka tartylǵan. Oblys ákimimen kezdesken Talqaırań, Aqjar, Besikti, Geolog, Kóktem eldi mekenderinde bóget salý jumysyna atqarylyp jatyr. Oblys ákimimen kezdesken jergilikti turǵyndar, eriktiler tehnıkamen, qajetti qural-jabdyqtarmen qamtý týraly usynysyn bildirdi.

Ákimniń pikirinshe, bóget turǵyzýshylardyń usynysy jedel oryndalýy qajet. Óıtkeni eldi mekenderge Jaıyq ózeninen tónetin tasqyn sýdan bıik bóget ǵana qorǵaıdy.

Eske sala ketelik, budan buryn Serik Shápkenov Jaıyq ózeniniń sýy Atyraý qalasyna qaı tustan kirýi múmkin ekenin aıtqan bolatyn.

Keıin Atyraýda Bereke, Almaly, Besikti aýyldaryn sý basýy múmkin ekenin jazǵan edik.