Atyraýda Jaıyq ózeniniń jaǵasynan er adamnyń múrdesi tabyldy

ATYRAÝ. KAZINFORM – Atyraý qalasynda Jaıyq ózeniniń jaǵasynan er adamnyń múrdesi tabyldy. Atyraý oblystyq polıtsııa departamentiniń baspasóz qyzmetinen málim etkendeı, búgin tabylǵan múrdeniń jeke basy anyqtalmaǵan.  

«Búgin, 14 sáýirde saǵat 18:10 shamasynda Jaıyq ózeniniń «Atyraý» yqsham aýdanyndaǵy jaǵasynan belgisiz er adamnyń múrdesi tabyldy. Qazir sot-medıtsınalyq saraptama taǵaıyndaldy», - dep habarlady departamenttiń baspasóz qyzmeti. 

Polıtseıler byltyr 13 maýsymda Jaıyq ózenine batyp ketken jasóspirimniń múrdesi bolýy múmkin degen boljamdy joqqa shyǵarmaıdy. Sol kezde súńgýirler 2008 jylǵy jasóspirimdi bir aıdan astam ýaqyt izdep, taba almaǵan edi. 

Eske sala ketelik, buǵan deıin sý basqan Qulsarydan bir adamnyń múrdesi tabylǵanyn habarlaǵan bolatynbyz. 

Keıin Qulsaryda joǵalyp ketken ekinshi adamnyń múrdesi tabyldy.