Atyraýda Jaıyq ózeniniń jaǵalaýy nyǵaıtylyp jatyr
ATYRAÝ. KAZINFORM – Jaıyq ózeniniń Atyraý qalasyndaǵy jáne oǵan irgeles ornalasqan eldi mekenderdegi jaǵalaýy nyǵaıtylyp jatyr.
Atyraý oblysynyń jedel shtabynyń málimetine súıensek, bul jumysty 10 kásiporyn men 10 kásipkerlik sýbektisi qolǵa alǵan.
«Jedel shtabtyń basty maqsaty – eldi mekenderdi kóktemgi tasqyn sýdan qorǵaý. Osy maqsatta Jaıyq ózeniniń jaǵalaýyn nyǵaıtý jumystary qolǵa alyndy. Ásirese, munaıly shahar mańyndaǵy Atyraý, Rembaza yqsham aýdandarynda, Erkinqala, Almaly, Atyraý, Damby, Qaıyrshaqty aýyldyq okrýgterinde ózen jaǵalaýyndaǵy qorǵanys bógetiniń osal tustaryn bıiktetý qolǵa alyndy. Mundaı jumys Jumysker, Geolog, Aqjar eldi mekenderinde de júrgiziledi», - dep habarlady oblystyq jedel shtabtan.
Qazir jaǵalaýdaǵy jumysqa 98 KamAZ, 18 tıegish, 2 avtogrıder, 2 «Gıdromek» tıegishi, 5 býldozer, 7 ekskavator, 1 vıbrokatok, 6 katok tartylǵan. Jaǵalaýǵa topyraq tógi úshin 1 318 reıs jasalǵan.
Eske sala ketelik, budan buryn Atyraý oblysyndaǵy bir aýdanda tótenshe jaǵdaı jarııalanǵanyn habarlaǵan edik.
Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.
Sondaı-aq, Mııaly aýylyna tirelgen sýdyń deńgeıi 1 metr 20 sm qurady.
Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.
Mııaly aýylyn tasqyn sýdan qorǵaý jalǵasyp jatqanyn jazǵan bolatynbyz.
Oıyldyń arnasynan asqan sý Mııaly aýyly mańyndaǵy kópirdi buzyp ketti.
Keshe Atyraý oblysyndaǵy Kózdiqara aýylynyń turǵyndaryn evakýatsııalaý bastaldy.
Sondaı-aq, keshe sý tasqynynan Qyzylqoǵa aýdanyndaǵy 8 okrýgke áli de qaýip bar ekenin habarlaǵanbyz.
Búgin Atyraý oblysynda sý tasqynynyń qaýpi áli tolyq seıilmegenin jazǵanbyz.
Al Jylyoı aýdanynda Jem ózeniniń sýy 2 metr 53 sm-ge kóterildi.
