Atyraýda Jaıyq ózenine bekireniń 2,1 mln shabaǵy jiberildi
ATYRAÝ. KAZINFORM – Atyraýda Jaıyq ózenine bekire tuqymdas balyqtardyń 2,1 mln shabaǵy jiberildi. Balyq sharýashylyǵy komıtetiniń baspasóz qyzmetinen málim etkendeı, bıyl baǵaly balyqtardyń 5 mln shabaǵyn jiberý kózdelip otyr.
– Atyraý bekire zaýytynda ósirilgen pilmaı, bekire jáne qortpa balyǵynyń 2,1 mln shabaǵy Jaıyq ózenine jiberildi. Bul 2025 jylǵa arnalǵan balyq resýrstarynyń ósimin molaıtý jónindegi memlekettik tapsyrys sheńberinde júzege asyryldy. Bıyl Atyraý bekire balyq ósirý zaýytynan Jaıyqqa jiberiletin balyq shabaqtarynyń kólemi – 5 mln. Qazir sý aıdyndaryndaǵy balyq qoryn molaıtý jumysy jalǵasyp jatyr», - dep habarlady komıtettiń baspasóz qyzmeti.
Sý aıdynyna balyq shabaqtaryn jiberýdi arnaıy komıssııa baqylady.
Komıssııa quramynda Jaıyq-Kaspıı oblysaralyq balyq sharýashylyǵy basseındik ınspektsııasy men Atyraý oblysy ákimdiginiń, «Qazaq Balyk» ZTB jáne «Balyq sharýashylyǵynyń ǵylymı-óndiristik ortalyǵy» JShS Atyraý fılıalynyń ókilderi bar.
Eske sala ketelik, budan buryn Atyraýda bekire tuqymdas balyqtardy ósiretin mamandar tapshy ekenin habarlaǵan bolatynbyz.