Atyraýda Jaıyq ózeni ústindegi 6 kópirdiń biri jabyldy

ATYRAÝ. KAZINFORM — Atyraý qalasynda Jaıyq ózeniniń ústinen salynǵan 6 kópir bar. Búgin kópirdiń biri ýaqytsha jabyldy.

Atyraý qalalyq ákimdigi baspasóz qyzmetiniń aqparatyna súıensek, buǵan jol jóndeý sebep bolǵan. 

«Atyraý qalasyndaǵy «Turǵyn úı qalashyǵy» men «Avangard» shaǵynaýdandary aralyǵyn jalǵaıtyn kópirdiń bir jaq bóligi 29 aqpanda saǵat 15:00-den 5 naýryzǵa deıin jabylatynyn habarlaımyz. Osy kúnderi kópir ústinde aǵymdaǵy jóndeý jumysyn júrgizý qarastyrylyp otyr. Kólik qozǵalysyn toqtatpaý úshin bir baǵyttaǵy jolaqpen júrý qarastyrylǵanyn qaperińizge salamyz», -dep habarlady ákimdiktiń baspasóz qyzmeti. 

Eske sala ketelik, budan buryn Atyraýda sorǵy stansasyndaǵy apattan bir shaǵyn aýdan turǵyndary 3 kúnnen beri sýsyz otyrǵanyn habarlaǵan bolatynbyz.