Atyraýda jastar, ÚEU jáne etnomádenı birlestik ókilderi Prezıdent Joldaýyn talqylady
ATYRAÝ. KAZINFORM — «Atyraý-Aqparat» JShS medıaholdınginde Qazaqstan Respýblıkasy Prezıdentiniń Qazaqstan halqyna Joldaýynda belgilengen negizgi mindetterdi túsindirýge arnalǵan kezdesý ótti.
Jıynǵa jastar, úkimettik emes uıymdar men etnomádenı birlestikterdiń ókilderi, sondaı-aq aqparattyq-taldaý tobynyń músheleri qatysty.
Kezdesý barysynda Memleket basshysynyń Joldaýynda aıqyndalǵan eldiń áleýmettik-ekonomıkalyq damýy, halyqty áleýmettik qorǵaý, ulttyq ekonomıka, energetıka jáne ekologııa salalaryndaǵy basym baǵyttar talqylandy.
Aqparattyq-taldaý tobynyń músheleri Joldaýda belgilengen mindetter men aldaǵy josparlarǵa qatysty túsindirme berip, qatysýshylardyń saýaldaryna jaýap berdi. Sonymen qatar jıyn barysynda ózekti máseleler kóterilip, usynystar aıtyldy.
Kezdesýge Quryltaı depýtattary Arman Haırýllın men Musa Haırýllıev, Qazaqstan Halyq Keńesiniń múshesi Nazarbek Qosshıev, Halyqty áleýmettik qorǵaý salasyndaǵy retteý jáne baqylaý komıtetiniń Atyraý oblysy boıynsha departamenti basshysynyń orynbasary Aıgerım Bekqalıeva, Ulttyq ekonomıka vıtse-mınıstri Erlan Saǵynaev, Energetıka vıtse-mınıstri Erlan Aqbarov, sondaı-aq Ekologııa jáne tabıǵı resýrstar mınıstrligi Ekologııalyq retteý jáne baqylaý komıteti tóraǵasynyń orynbasary Álibek Bekmuhambetov qatysty.
