Atyraýda jańajyldyq shyrshalardy ornatý men bezendirýge 66,9 mln teńge bólingen

ATYRAÝ. KAZINFORM – Atyraý qalasyndaǵy 5 ortalyq alań men kóshelerge jańajyldyq shyrshany ornatý kózdelip otyr. Osy jáne bezendirý jumysyn atqarýǵa 66,9 mln teńge bólingen. Atyraý qalalyq ákimdiginiń baspasóz qyzmeti usynǵan aqparatqa súıensek, 17 jeltoqsanda jańajyldyq shyrshalardyń shamyn jaǵý josparlanǵan.

– Bıyl Atyraý qalasynda 5 ortalyq alań men kóshelerde ornatylatyn shyrshalardyń bıiktigi 18 metr bolady. Osyǵan baılanysty shyrshalardy montajdaý, demontajdaý jáne bezendirý jumystaryna ashyq konkýrs jarııalandy. Konkýrs talabyna sáıkes atqarylatyn jumysqa 66 mln 964 myń 285 teńge bólindi. Bul – qosymsha qun salyǵyn eseptemelmegen soma. Tapsyrysty Atyraý qalalyq mádenıet, tilderdi damytý, dene shynyqtyrý jáne sport bólimine qarasty Qurmanǵazy atyndaǵy mádenıet saraıy berdi, - dep habarlady ákimdiktiń baspasóz qyzmeti. 

Shyrsha shamyn jaǵý 5 núktede ótedi. Bul is-shara kezinde shahar turǵyndaryna teatrlandyrylǵan baǵdarlama usynylady. 

Eske sala ketelik, buǵan deıin Atyraý ákimdigi kúıeýi qaıtys bolǵan áıeldi jer alý kezeginen negizsiz shyǵaryp tastaǵanyn habarlaǵan bolatynbyz.