Atyraýda Jańa jyl túni 24 adam otbasynyń shyrqyn buzǵan

ATYRAÝ.KAZINFORM - Atyraýda polıtsııa jańa jyl túni 249 habarlamaǵa qyzmet kórsetti. Bul týraly oblystyq PD habarlady.

Polıtsııa departamentiniń málimetinshe, jańa jyl túni kóshelerde quqyq buzyp, buzaqylyq áreketterine jol bergender bolmady. Mereke kúni otbasy shyrqyn buzǵan 24 adam anyqtalyp, polıtsııa bólimderine jetkizildi. 28 usaq jol-kólik oqıǵasy bolyp, saldarynan 5 adam jaraqat alǵan. Keıin olar aýrýhanaǵa jetkizildi.

Mereke kúnderi turǵyndar tynyshtyǵyn jáne qoǵamdyq qaýipsizdikti qamtamasyz etý úshin polıtseıler kúsheıtilgen rejımde qyzmet etýdi jalǵastyryp jatyr.

Osyǵan deıin Almatyda Jańa jyl qarsańynda polıtsııa jasaqtarynyń sany artqany jóninde jazǵan edik.