Atyraýda jalǵan áskerı forma kıgen mas júrgizýshi ustaldy

ATYRAÝ. KAZINFORM — Áleýmettik jelilerde Atyraý qalasynda jedel járdem kóliginiń ishinde tóbeles bolyp, oǵan memlekettik organ qyzmetkeri qatysqany jóninde aqparat tarady.

Atyraý oblystyq polıtsııa departamenti bul derekke qatysty resmı málimdeme jasady.

— Oqıǵa ornyna kelgen tártip saqshylary júrgizýshiniń 1996 jyly týǵan qala turǵyny ekenin anyqtap, ony medıtsınalyq saraptamadan ótkizgen, nátıjesinde onyń alkogoldik mas kúıde bolǵany belgili boldy. Budan bólek, azamattyń buryn kólik júrgizý quqyǵynan aıyrylǵany anyqtalyp, atalǵan derek boıynsha QR Qylmystyq kodeksiniń 346-baby negizinde qylmystyq is qozǵaldy, — delingen habarlamada.

Sonymen qatar atalǵan azamattyń quqyq qorǵaý organdarynyń qyzmetkeri emes ekeni anyqtalǵan.

— Oǵan qatysty áskerı formany zańsyz kıgeni úshin QR ÁQBtK-niń 675-babyna sáıkes ákimshilik hattama toltyryldy, — dep naqtylady vedomstvo.

Buǵan deıin Atyraýda ustalǵan UQK qyzmetkeri isi boıynsha tergeý jalǵasyp jatqanyn jazǵanbyz.