Atyraýda jaǵymsyz ıiske baılanysty aýa sapasy tekserilip jatyr
ATYRAÝ.KAZINFORM - Atyraýda 8 shilde keshke qala turǵyndary aýada jaǵymsyz ıistiń taralǵanyna shaǵymdandy. Osyǵan baılanysty oblystyq ekologııa departamentiniń qyzmetkerleri atmosferalyq aýanyń sapasyna synama alý jumystaryn júrgizip jatyr.
Ekologııa departamentiniń málimetinshe, zertteý jeldiń baǵyty eskerilip, óndiristik kásiporyndardyń sanıtarlyq-qorǵaý aımaqtarynan tys aýmaqtarda júrgizilip jatyr.
Alynǵan synamalar zerthanalyq taldaýdan ótkizilip, atmosferalyq aýadaǵy lastaýshy zattardyń mólsheri anyqtalady. Zertteý qorytyndysy shyqqannan keıin onyń nátıjesi qosymsha jarııalanady.
Buǵan deıin Atyraýdyń aýasyna tikeleı áseri bar Atyraýda «Kvadrat» býlaný alańyn tazalaý jumysy jospardan keshigip jatqanyn jazǵan edik.
