Atyraýda jabaıy qarasoranyń 10 myńnan astam túbi joıyldy
ASTANA. KAZINFORM — Atyraý oblysynda «Qarasora-2026» jedel-profılaktıkalyq is-sharasy aıasynda 10 myńnan astam qarasora ósimdigi anyqtalyp, joıyldy, dep habarlaıdy Polisia.kz.
1 maýsymnan bastap respýblıka aýmaǵynda esirtki quraldarynyń zańsyz aınalymyna jol bermeýge baǵyttalǵan jedel-profılaktıkalyq is-shara ótkizilýde.
Atyraý oblysynda onyń aıasynda jabaıy qarasora ósetin aýmaqtardy anyqtaý, ósimdikterdi joıý jáne olardyń taralýyna jol bermeý boıynsha keshendi jumystar júrgizilip jatyr.
Polıtsııa qyzmetkerleri oblys aýdandaryndaǵy eldi mekenderge irgeles aýmaqtardy, ıesiz jer ýchaskeleri men aýyl sharýashylyǵy alqaptaryn tekserýde. Reıdtik jáne tekserý sharalarynyń nátıjesinde qazirgi ýaqytta 10 myńnan astam qarasora ósimdigi anyqtalyp, belgilengen tártippen joıyldy.
Jabaıy qarasora ósetin aýmaqtar anyqtalǵan jaǵdaıda polıtsııa qyzmetkerleri tıisti sharalar qabyldap, ósimdikterdi zańnamada belgilengen tártippen joıady.
Polıtsııa esirtkiniń zańsyz aınalymyna qarsy kúres — ortaq mindet ekenin eske salady. Azamattardy kúmándi jaǵdaılarǵa beıjaı qaramaı, esirtki quraldarynyń zańsyz aınalymyna qatysty kez kelgen aqparatty quqyq qorǵaý organdaryna habarlaýǵa shaqyrady.
Aıta keteıik, Jambyl oblysynda 376 tonna jabaıy qarasora joıyldy.
Sondaı-aq Temirtaý mańynda jylyjaıda ósirilgen 125 túp qarasora anyqtaldy.
